Орхон аймгийн Онцгой комиссын 6 сарын 30-ны хурлаар хэд хэдэн асуудлыг хэлэлцэж шийдвэрлэлээ. Тухайлбал:
1. Орхон аймагт Баяр наадам тэмдэглэхгүй байх шийдвэрийг албан ёсоор гаргалаа.
2. Мөн түүнчлэн ямар нэг байдлаар иргэдийн зорчих хөдөлгөөн, хот хоорондын авто хөдөлгөөнд хязгаарлалт тогтоохгүй
3. Засгийн газрын 2021 оны 06 дугаар сарын 30-ны өдрийн хуралдааны шийдвэрийн дагуу аймгийн хэмжээнд өндөржүүлсэн бэлэн байдлын зэрэгт шилжүүлсэн хугацааг 2021 оны 08 дугаар сарын 31-ний өдрийг хүртэл сунгах
4. Иргэдийн дунд тандалт судалгааны ажлыг өргөн хүрээнд зохион байгуулах, дархлаажуулалтад хамруулах зохион байгуулалтын ажлыг эрчимжүүлэх
5. Диско баар, караоке, цахим болон бүх төрлийн тоглоомын газар, үзвэр үйлчилгээ, нийтийн бүжиг, соёл урлагийн үйл ажиллагааг хориглосон хэвээр байх зэрэг шийдвэр гарлаа.
Мэргэжилтнүүдийн хийсэн судалгаанаас харахад халдварын оргил үе нь 7 дугаар сарын 4-өөс 11-ний хооронд байх бөгөөд түүнээс хойш бага багаар буурсаар 8 дугаар сарын сүүлчээр халдварын тоо эрс багасах төлөв гарсан байна.
Иймээс халдварын эрсдэл өндөр байх үед гэртээ зочин урихгүй байх, хүн олноор цугларсан газраар амарч зугаалахгүй байх, өндөр настай архаг хууч өвчтэй ахмад настан, вакцин хийлгээгүй жирэмсэн эхчүүд, бага насны хүүхэд багачуудтай айлд айль болох зочилж очихгүй байж, халдвар тараахаас урьдчилан сэргийлж, мэргэжлийн байгууллагын заавар, зөвлөмжийг мөрдөж ажиллахыг аймгийн Онцгой комиссоос нийт иргэддээ уриалж байна.
