Орон сууцны залиланд өртөж, хохирсон иргэдийн асуудлыг шалгах Ажлын хэсгийн ээлжит хуралдаан өнөөдөр болж, хохирлыг барагдуулах болон цаашид иргэдийг эрсдэлээс хамгаалах чиглэлээр авч хэрэгжүүлж буй арга хэмжээний талаар хэлэлцлээ.
452.4 сая төгрөгийн хохиролтой холбоотой 4 гүйцэтгэх баримт бичгийг дуусгавар болголоо
Ажлын хэсэг байгуулагдсанаас хойших хугацаанд нийт 452.4 сая төгрөгийн 4 гүйцэтгэх баримт бичгийг дуусгавар болгож, 4 иргэний орон сууцны өмчлөх эрхийн гэрчилгээг гаргуулан, үйл ажиллагаа гүйцэтгэхийг даалгасан шийдвэрийг биелүүлээд байна.
Орон сууцны захиалгын гэрээг давхардуулах эрсдэлийг бууруулна
Цаашид орон сууцны захиалгын гэрээг давхардуулан байгуулах эрсдэлийг таслан зогсоох, иргэдийн эрх ашгийг хамгаалах зорилгоор түр журам боловсруулж байна.
Уг журмаар:
- Захиалсан орон сууц, талбайн мэдээллийг бүртгэх;
- Орон сууцны мэдээлэлд урьдчилсан тэмдэглэл хийх;
- Иргэн өөрийн захиалсан орон сууц, талбайн мэдээллийг нээлттэй шалгах боломж бүрдүүлэх зэрэг зохицуулалтыг бий болгоно.
Ингэснээр орон сууцны захиалгын гэрээг давхардуулах эрсдэлийг бууруулж, иргэдийн өмчлөх эрх, хууль ёсны ашиг сонирхлыг хамгаалахад чухал ач холбогдолтой юм.
Дэлгэрэнгүй мэдээллийг: Хууль зүй, дотоод хэргийн яамны мэдээлэл
.jpg)
.jpg)
.jpg)
