НЭГ АЛБАН ХААГЧ – НЭГ САЙН ҮЙЛС

Монгол Улсын Ерөнхий сайдын санаачилсан “ХҮҮХДИЙН ТӨЛӨӨ – ЗА БОЛ ЗААВАЛ ХИЙЕ” үндэсний хөдөлгөөнд Орхон аймгийн Улсын бүртгэлийн хэлтсийн албан хаагчид нэгдэн, хүүхэд бүрийн гэрэлт ирээдүйд багахан ч гэсэн хувь нэмэр оруулах нэгэн сайхан үйлсийг хамтдаа бүтээлээ.

Энэ хүрээнд “Нэг албан хаагч – Нэг сайн үйлс” уриан дор Орхон аймгийн Наран багийн зорилтот бүлгийн 5 хүүхдэд хичээлийн хэрэгсэл, дэвтэр, ном, цүнх, сургуулийн дүрэмт хувцас гардуулан өглөө. Мөн байгууллагын албан хаагчдын цэцэрлэг, сургуульд анх удаа элсэн орж буй 6 хүүхдэд хичээлийн хэрэгслийн бэлэг гардууллаа.

Шинэ хичээлийн жилийн бэлтгэлд нь багахан ч гэсэн хувь нэмэр оруулж, хүүхэд бүрийг мэдлэг боловсролын их замд нь урам зоригтой алхахыг хүсэн энэхүү сайн үйлсийг бүтээлээ.

Хүүхэд бүрийн шинэ хичээлийн жил амжилт бүтээл, баяр баяслаар дүүрэн байх болтугай.