Орхон аймагт нийт 222 иргэн ТӨРИЙН АЛБАНЫ ЕРӨНХИЙ ШАЛГАЛТ өгөхөөр бүртгүүлсэн байна.

Төрийн албаны ерөнхий шалгалтыг Аймаг, Нийслэлийн шалгалт зохион байгуулах комисс зарлагдсан хуваарийн дагуу 2021 оны 11 дүгээр сарын 15-ны өдрийн 08 цаг 00 минутаас орон даяар нэгэн зэрэг эхэллээ.

Аймаг орон нутагт 11 дүгээр сарын 17-ны өдрийг дуустал, Нийслэл Улаанбаатарт 11 дүгээр сарын 21-ний өдрийг дуустал хугацаанд өдрийн 5 ээлжээр шалгалтыг зохион байгуулна. Харин манай аймгийн хувьд төрийн албаны Ерөнхий шалгалт өгөхөөр нийт 222 иргэн бүртгүүлсэн бөгөөд өнөөдөр 150 иргэн, маргааш буюу 16-ны өдөр 72 иргэн Ерөнхий шалгалт өгнө.

Орхон аймаг дахь Төрийн албаны салбар зөвлөлийн даргын тогтоолоор зохион байгуулах комиссын даргаар аймгийн ЗДТГ-ын ТЗУХ-ийн дарга Ш.Ганболд томилогдон ажиллаж байна.

Төрийн албаны шинэ хуулиар Төрийн албаны Ерөнхий шалгалтыг жилд 1-ээс доошгүй удаа зохион байгуулж төрийн албаны нөөцийг бүрдүүлж байхаар хуульчилсан байдаг.

Энэ удаагийн шалгалтыг улс даяар нэгэн зэрэг Монгол улсын төрийн албаны зөвлөл, аймаг дахь салбар зөвлөл, аймаг нийслэлийн ЗДТГ, Улсын бүртгэлийн хэлтэс, Цагдаагийн газар, Тагнуулын газар, Онцгой байдлын газар хамтран зохион байгуулж байна.