Орхон аймгийн хэмжээнд нийт 1066 хүүхэд 16 нас хүрч Иргэний үнэмлэхээ авч байгаа бөгөөд эдгээр хүүхдүүдийн төлөөлөл болсон 32 хүүхэд “Иргэний андгай” өргөж иргэний үнэмлэхээ гардан авлаа.

Анхдугаар үндсэн хуулиа баталж, Бүгд найрамдах улсаа зарлан тунхагласны түүхт 97 жилийн ойг тохиолдуулан Эх оронч үзэлтэй, өв уламжлал, зан заншлаа эрхэмлэх дээдлэх, түүх соёлоороо бахархах үзлийг төлөвшүүлэх зорилго бүхий “Иргэний андгай өргөх ёслол”-г орхон аймаг дахь Улсын бүртгэлийн хэлтэс санаачлан аймгийн аймгийн Засаг даргын Тамгын газар хамтран зохион байгуулж буй уг арга хэмжээнд аймгийн ИТХ-ын дарга Д.Мөнхбат, Засаг дарга С.Батжаргал болон Орхон аймаг Эрдэнэт хотоос төрөн гарсан анхны хөдөлмөрийн баатар Д.Жаргалсайхан, УБХ-ийн дарга М.Отгонбаяр, Боловсролын газрын дарга О.Ариунгэрэлт нар оролцлоо.

Энэ жил Орхон аймгийн хэмжээнд нийт 1066 хүүхэд 16 нас хүрч Иргэний үнэмлэхээ авч байгаа бөгөөд эдгээр хүүхдүүдийн төлөөлөл болсон 32 хүүхэд “Иргэний андгай” өргөж иргэний үнэмлэхээ гардан авлаа.

16 нас хүрч буй нийт хүүхдүүддээ сурлага хөдөлмөрийн өндөр амжилт хүсэж, аз жаргал, амьдралын хамгиийн гэгээн бүхнийг хүсье.