Тус сургалт, зөвлөгөөнд хэлтсийн 10 албан хаагч оролцлоо.
Монгол Улсын Засгийн газраас хэрэгжүүлж буй “Шинэ сэргэлтийн бодлого"-ын баримт бичигт төрийн бүтээмжийг дээшлүүлэх зорилгоор төрөөс үзүүлэх үйлчилгээг цахимжуулж, төрийн хүнд сурталыг бууруулах, Засгийн газрын бүтэц, зохион байгуулалтад цогц шинжилгээ хийж, үнэлэлт өгөх, оновчтой бүтцийг тогтоон, төрийн зарим чиг үүргийг хувийн хэвшил, мэргэжлийн холбоодод шилжүүлэх зэрэг олон зорилт тусгасан билээ.
Үйл ажиллагааг нээж аймгийн Засаг дарга бөгөөд Эрдэнэт хотын захирагч С.Батжаргал үг хэлж, УИХ-ын гишүүн Д.Батлут, аймгийн ИТХ-ын дарга Д.Мөнхбат нар төрийн албан хаагчдад мэндчилгээ дэвшүүллээ.
Сургалт зөвлөгөөнөөр Монгол улсын төрийн албаны зөвлөлөөс “Төрийн албаны тухай хуульд оруулсан нэмэлт өөрчлөлт, зохицуулалт, анхаарах асуудлууд”, Цахим хөгжил харилцаа холбооны яамнаас “Цахим хөгжил төрийн бүтээмж”, ЗГХЭГ-ын Орон нутаг удирдах зөвлөлийн дарга П.Зоригтбаатар “Шинэ сэргэлтийн бодлого төрийн бүтээмжийн сэргэлт”, Ворлд стандарт консалтинг ХХК-ийн гүйцэтгэх захирал Д.Цэрэнжав ISO стандартыг хэрэгжүүлснээр менежментийн тогтолцоогоо хэрхэн удирдах, сайжруулахад анхаарах асуудлууд” сэдвээр тус тус илтгэл тавилаа.
Зорилтын хүрээнд Орхон аймгийн төрийн байгууллагууд иргэдэд хүргэх төрийн үйлчилгээний чанар хүртээмжийг нэмэгдүүлэх, хэрэглэгчийн эрэлт хэрэгцээ, хүсэлтийг ханган ажиллах, түүнийг давуулан биелүүлэх зорилгоор чанарын менежментийн удирдлагын тогтолцоог энэ оны нэг дүгээр сараас эхлэн нэвтрүүлж эхэлсэн.
Түүнчлэн иргэдийн санал хүсэлтийг цахимаар хүлээн авах www.irgen.erdenet.mn вэб системийн нээлт боллоо.
Орхон аймаг дахь Улсын бүртгэлийн хэлтэс нь Олон улсын чанарын менежментийн тогтолцоо ISO 9001:2015 стандартыг нэвтрүүлж гэрчилгээгээ гардан авлаа.
ОРХОН АЙМАГ ДАХЬ УЛСЫН БҮРТГЭЛИЙН ХЭЛТЭС
