Монгол Улсын төрийн албаны ерөнхий шалгалт өнөөдөр /2022.10.14/ 08:30 минутад улс орон даяар нэгэн зэрэг эхэлж хэвийн үргэлжилж байна.
Энэ удаагийн ерөнхий шалгалтад Орхон аймгаас нийт 141 иргэн бүртгүүлсэн байна. Аймгийн хэмжээнд 10 дугаар сарын 14, 15-ны өдрүүдэд 7 ээлжээр нэг ээлжинд 21 иргэн оруулахаар тогтоосон цагуудад шалгалтыг авах юм.
Ерөнхий шалгалтыг Төрийн албаны зөвлөлөөс ZOOM программаар хянаж, камераар баримтжуулж байна. Улсын бүртгэлийн хэлтсээс хурууны хээгээр шалгалтад орох иргэдийг бүртгэн оруулж ажиллаж байна.
Шалгалтын үргэлжлэх хугацаа нийт 110 минут ба оролцогчид Ерөнхий мэдлэг, Монгол хэл, бичиг, Дүн шинжилгээ хийх чадвар гэсэн 3 төрлөөр мэдлэгээ шалгуулж 100 онооноос 65-аас дээш оноо авч тэнцсэн иргэд төрийн албаны нөөцөд бүртгэгдэх юм.
ТӨРИЙН АЛБАНЫ ШАЛГАЛТ ӨГЧ БУЙ ОРОЛЦОГЧ ТА БҮХЭНДЭЭ АМЖИЛТ ХҮСЬЕ
ОРХОН АЙМГИЙН УЛСЫН БҮРТГЭЛИЙН ХЭЛТЭС
