Канад улсын Засгийн газрын дэмжлэгтэй Төрийн албаны зөвлөл, НҮБ-ын Хөгжлийн хөтөлбөр хамтран хэрэгжүүлж буй “Монгол Улсад мэргэжлийн, иргэн төвтэй төрийн албыг төлөвшүүлэх нь” төслийн хүрээнд, Либерал эмэгтэйчүүдийн оюуны сан “Төрийн албан хаагч эмэгтэйчүүдийн манлайллын хөтөлбөр”-ийн 2 дахь ээлжийн оролцогч О.Сарангэрэлийн урилгаар Орхон аймгийн Улсын бүртгэлийн хэлтсийн хамт олонд өнөөдөр /2022.10.18/ Удирдлагын академийн захирал, доктор Д.Сүрэнчимэг "EQ-БИДНИЙ АМЬДРАЛД" сэдэвт сургалт орлоо.
EQ /emotional intelligence/ гэж юу вэ?
EQ гэдэг нь бусадтай харилцах чадвар юм. EQ өндөртэй хүмүүс өөрийгөө, бусдыг, нийгмийн байдлыг сайтар танин мэдсэн байдаг тул бие хүнээ болон бусдыг удирдах чадвартай байдаг байна.
EQ нь сэтгэл хөдлөл болон танин мэдэхүй хоёрын нийлэмж бөгөөд ихэнх тохиолдолд IQ-г дэмждэг байна. EQ-гээ хөгжүүлснээр тухайн ажилтан сэтгэл хөдлөлөө удирдах, улмаар түүнийгээ олж авсан мэдээлэл, баримтыг үр дүнтэй боловсруулахад ашиглаж чаддаг байна.
EQ өндөр хүмүүс хэнд ямар үүрэг даалгавар хуваарилахыг сайн мэддэг, хариуцлагатай, удирдлагад байгаа хүмүүстээ зааж зөвлөхдөө сайн ба хамтын ажиллагаа сайтай нягт багийг бүрдүүлж чаддаг тул бусдыг удирдан залах чадвартай байдаг тул энэхүү сургалтаар өөрсдийн IQ, EQ хэрхэн хөгжүүлэх талаар танин мэдэж авсан үр дүнтэй сургалт боллоо.
ОРХОН АЙМГИЙН УЛСЫН БҮРТГЭЛИЙН ХЭЛТЭС
