Монголын Хуульчдын холбооноос жил бүр уламжлал болгон зохион байгуулдаг иргэдийн эрх, хууль ёсны ашиг сонирхлыг хамгаалах зорилготой хууль зүйн үнэгүй зөвлөгөө өгөх “Хуульчийн Про Боно өдөр-2023” өдөрлөг 2023 оны 05 дугаар сарын 1-ний өдөр орон даяар амжилттай зохион байгуулагдаж өндөрлөлөө.
“Бүх нийтийн эрх зүйн боловсролыг дээшлүүлэх үндэсний хөтөлбөр”-ийн хүрээнд зохион байгуулагдсан тус өдөрлөгт Орхон аймгийн Улсын бүртгэлийн хэлтэс нь Иргэний улсын бүртгэл, Эд хөрөнгийн эрхийн улсын бүртгэл, Хуулийн этгээдийн улсын бүртгэлийн чиглэлээр зөвлөгөө мэдээлэл өгч үйлчилгээг иргэдэд үзүүлж, Тоон гарын үсэг олгож ажиллав.
ОРХОН АЙМГИЙН УЛСЫН БҮРТГЭЛИЙН ХЭЛТЭС
