Аймаг, нийслэл, сум, дүүргийн иргэдийн төлөөлөгчдийн хурлын 2024 оны ээлжит сонгуулиар ажиллах улсын бүртгэлийн итгэмжлэгдсэн ажилтнуудад "Эрх зүй, мэдээлэл технологийн сургалт" амжилттай зохион байгуулагдлаа.
Сургалтаар Орхон аймгийн хэлтсийн дарга М.Отгонбаяр нийт итгэмжлэгдсэн ажилтнуудад эрх зүйн мэдлэг олгох сонгуулийн хууль тогтоомж, санал авах өдөр сонгогчийн бүртгэлийг нягтлан шалгахтай холбоотой анхаарах асуудлууд, итгэмжлэгдсэн ажилтнуудын эрх үүргийн талаар, Улсын бүртгэлийн ерөнхий газрын Мэдээлэл технологийн газрын мэдээлэл технологийн ажилтан, программ зохиогч Б.Ууганбаяр болон Д.Өлзийсүрэн нар сонгогчийн бүртгэлийн программ хангамж, тоног төхөөрөмжийн ашиглалтын талаар тус тус мэдээлэл өгч, туршилт хийлээ.
Сургалтаар Орхон аймгийн 43 хэсгийн хороонд ажиллах 47 итгэмжлэгдсэн ажилтан бүрэн хамрагдаж, сонгогчийн ирц бүртгэлийн программ, тоног төхөөрөмжид хэвийн ажиллагааг шалган туршилт хийлээ.
ОРХОН АЙМГИЙН УЛСЫН БҮРТГЭЛИЙН ХЭЛТЭС
