БҮСЧИЛСЭН ХӨГЖИЛ-ТӨРИЙН АЛБАНЫ МАНЛАЙЛАЛ сэдэвт ОРХОН-БУЛГАН-ХӨВСГӨЛ хойд бүсийн зөвлөгөөн Орхон аймагт зохион байгуулагдаж байна.
Төрийн албаны тухай хууль болон төрийн албан хаагчийн ёс зүйн тухай хууль тогтоомж, бодлого төлөвлөгөөний хэрэгжилт, хяналт шалгалтын үр дүн, ёс зүй сахилга хариуцлагыг чанаржуулах зорилго бүхий “Бүсчилсэн хөгжил-Төрийн албаны манлайлал” сэдэвт хойд бүсийн зөвлөгөөн эхэллээ. Зөвлөгөөн 2025.04.07-08-ны өдрүүдэд зохион байгуулагдана.
Хойд бүсэд төрийн 451 байгууллагын 16574 төрийн албан хаагч ажиллаж, төрийн бодлого, зорилт, чиг үүргийг хэрэгжүүлж, иргэдэд үйлчилгээ үзүүлдэг. Бүсийн сургалт, зөвлөгөөнд Орхон, Хөвсгөл, Булган аймгийн нийт 400 гаруй албан хаагч хамрагдаад байна.
Зөвөлгөөнд тус хэлтсийн хэлтсийн дарга М.Отгонбаяр, улсын ахлах бүртгэгч С.Жамбалсүрэн, О.Үзмээ, нягтлан бодогч Х.Болор-Эрдэнэ, улсын бүртгэгч О.Сарангэрэл нар оролцож байна.
Зөвлөгөөнийг Монгол Улсын Их хурлын Төрийн байгуулалтын байнгын хороо, Ёс зүйн дэгийн байнгын хороо, Монгол Улсын Ёс зүйн хороо, Орхон аймгийн Засаг даргын Тамгын газар, Төрийн албаны салбар зөвлөлүүд хамтран зохион байгуулж байна.
