Орхон аймгийн Улсын бүртгэлийн хэлтэс нь жил бүрийн 05 дугаар сарын 01-ний өдөр Монголын Хуульчдын холбоо /Mongolian bar association/-оос иргэдэд хууль, эрх зүйн анхан шатны зөвлөгөө мэдээлэл өгөх, төрийн үйлчилгээг үнэ төлбөргүй үзүүлэх “Хуульчийн Про боно өдөрлөг”-ийг зохион байгуулдаг.
Тус арга хэмжээ Орхон аймгийн Амарын талбайд амжилттай зохион байгуулагдлаа. Улсын бүртгэлийн хэлтэс нь энэхүү арга хэмжээнд жил бүр оролцдог бөгөөд өдөрлөгт ирсэн иргэд, хуулийн этгээдэд улсын бүртгэлийн талаарх үйлчилгээ, зөвлөгөө мэдээлэл хүргэн, бүртгэлийн хууль тогтоомжийг сурталчлан ажиллалаа.
Арга хэмжээг зохион байгуулсан Монголын Хуульчдын холбоо, Орхон аймгийн Засаг даргын тамгын газрын Хууль, эрх зүйн хэлтсийн хамт олон болон идэвхитэй оролцсон иргэд, аж ахуй нэгж, төрийн байгууллагууд, хуулийн байгууллагууд та бүхэнд талархал илэрхийлье.
ОРХОН АЙМГИЙН УЛСЫН БҮРТГЭЛИЙН ХЭЛТЭС
