Орхон аймгийн Улсын бүртгэлийн хэлтэс нь "Эрдэнэс Тавантолгой" ХК болон холбогдох байгууллагуудтай хамтран иргэдэд 1072 хувьцаа, ногдол ашигтай холбоотой зөвлөгөө мэдээлэл өгөх арга хэмжээнд оролцож, төрийн үйлчилгээ үзүүллээ.
Тус арга хэмжээ нь 2026 оны 06 дугаар сарын 03-04-ний өдрүүдэд зохион байгуулагдсан бөгөөд иргэдэд хувьцааны мэдээлэл шалгах, ногдол ашигтай холбоотой мэдээлэл авах, бүртгэлийн мэдээллээ нягтлах, холбогдох зөвлөгөө авах боломжийг бүрдүүлсэн юм.
Орхон аймгийн Улсын бүртгэлийн хэлтсээс иргэдэд улсын бүртгэлийн үйлчилгээ, зөвлөгөө мэдээллийг газар дээр нь хүргэж ажилласан бөгөөд иргэдийн сонирхсон асуултад хариулж, шаардлагатай мэдээллээр ханган ажиллалаа.
Цаашид иргэдэд төрийн үйлчилгээг ойртуулж, хүртээмжийг нэмэгдүүлэх чиглэлээр холбогдох байгууллагуудтай хамтран ажиллах болно.
