Орхон аймгийн Улсын бүртгэлийн хэлтсээс барилгын салбарын аж ахуйн нэгжүүдийн удирдлага, төлөөлөлд зориулсан сургалтыг зохион байгууллаа.
Сургалтын хүрээнд дуусаагүй барилга болон шинээр баригдсан барилгын өмчлөх эрхийн улсын бүртгэлийн үйл ажиллагаа, бүртгэлд хамруулахад бүрдүүлэх баримт бичиг, хууль тогтоомжийн шаардлага, бүртгэлийн явцад түгээмэл гардаг асуудлуудын талаар мэдээлэл өгч, оролцогчдын санал хүсэлтийг сонсон харилцан ярилцлаа.
Мөн үл хөдлөх эд хөрөнгийн эрхийн улсын бүртгэлийн үйлчилгээг иргэн, хуулийн этгээдэд түргэн шуурхай хүргэх, бүртгэлийн үйл ажиллагаанд гарч болзошгүй хүндрэл, саад бэрхшээлийг бууруулах чиглэлээр зөвлөгөө, мэдээлэл өгч ажиллав.
Тус сургалтад Орхон аймагт үйл ажиллагаа явуулж буй барилгын компаниудын удирдлага, төлөөлөл оролцож, тулгамдаж буй асуудал болон цаашид хамтран ажиллах чиглэлээр санал солилцсон болно.
